Bu’n gyfnod prysur yn ddiweddar gyda llawer o fân dasgau yn cymryd fy amser.
Dw i wedi bod yn:
- cefnogi’r gwaith o adolygu disgrifiadau swyddi wrth i CDPS baratoi i drosglwyddo i Lywodraeth Cymru
- dod o hyd i hyfforddiant i’r tîm ar gyfer mis Ionawr.
- ceisio cwblhau rhywfaint o hyfforddiant fy hun ar-lein na chefais y cyfle i’w gwblhau
- cwblhau adolygiadau 6 mis a 12 mis sydd bob amser yn hel eu traed yn yr hydref
- siarad â thîm cydlynwyr Cymraeg Cyngor Caerdydd am ddulliau o ymdrin â gwasanaethau dwyieithog
Dw i hefyd wedi bod yn cynllunio ar gyfer amrywiol ddigwyddiadau a chyfarfodydd cymunedol:
- Bydd Dan Warren o Parkinson’s UK yn ymuno â cjymuned Dylunio Cynnwys Cymru ar 2 Rhagfyr i rannu ei brofiadau fel dylunydd cynnwys
- Bydd Harry Thompson o Marvell Consulting yn siarad â’r gymuned ar 16 Rhagfyr am eu gwaith yn adeiladu’n ddwyieithog yn ddiofyn gyda Stats Cymru.
- Byddaf yn siarad yng nghymuned UCD Student Loans Company ym mis Rhagfyr am ddylunio a chynnwys dwyieithog
- Byddaf yn cadeirio gweminar amser cinio gydag Ali a Kirsty o Adnodd, ochr yn ochr â fy nghydweithiwr Catrin, ar 1 Rhagfyr. Maen nhw’n dangos rhywfaint o waith maen nhw wedi’i wneud gyda’i gilydd yn dylunio cynnwys polisi yn Gymraeg a Saesneg. Mae gen i ddiddordeb mawr clywed am eu profiadau
- Dw i’n cynllunio sesiwn yn nigwyddiad Cymraeg a Thechnoleg Comisiynydd y Gymraeg ar 9 Rhagfyr. Byddwn yn canolbwyntio ar Safon Gwasanaeth Digidol Cymru. Mae Harry Thompson o Marvell Consulting hefyd wedi cytuno i ddod draw i siarad am eu gwaith.
- Cynlluniais weithgaredd 30 munud ar ran UCD yn nigwyddiad holl-staff CDPS.
Uchafbwyntiau
- GovCamp Cymru
- Digwyddiad holl-staff CDPS
- sgwrsio â rhai o aelodau cymuned Dyunio Cynnwys Cymru. Os oes unrhyw un o’r gymuned sydd awydd sgwrs, rhowch wybod i mi.
Darllen a syniadau
Dyma rai syniadau rydw i wedi dod ar eu traws ac yr ydw i’n bwriadu ysgrifennu yn llawnach amdanyn nhw:
17% siaradwyr Cymraeg sy’n ffafrio’r iaith gyda sefydliadau cyhoeddus. Mae hyn ychydig yn ddigalon ond nid yw’nn syndod. Mae hefyd yn adleisio’r mymryn o ymchwil sydd gennym eisoes sy’n dangos bod defnyddioldeb a disgwyliadau isel defnyddwyr yn broblem fawr. Yr ateb sy’n cael ei awgrymu bob amser yw gweithio’n galetach i hyrwyddo’r peth nad yw’n ddefnyddiol yn y lle cyntaf. Awgrymaf bod hyn yn fwy o broblem eto. Mae gen i syniadau am hyn ac fe fyddaf yn dod yn ôl atyn nhw.
Ti, chi a’r berthynas rhwng ymddiriedaeth, ffurfioldeb a defnyddioldeb: daeth hyn i’r wyneb mewn GovCamp Cymru a gynigiwyd gan yr ymchwilydd defnyddwyr Catrin Jones. Dyma sesiwn diddorol y mae en i syniadau pellach i’w rhannu.
Iaith y maes digidol a dylunio yng Nghymru: Ydyn ni’n ddigon agored yn sut yr ydyn ni’n trafod y maes hwn, neu ydan nin euog o fynd i gors ein jargon ein hunain? Mae gan bob sector a phroffesiwn ei jargon ei hun. Mae’n beth naturiol. Tybed a yw hynny’n ffordd o godi terfynau a chau allan, nes ei fod yn dod yn rheswm i beidio â gweithio gyda’n gilydd pan y dylen ni?
Yn y cyfamser, efallai y byddwch chi’n medru dyfalu fy marn i ar y mater gerdd fach hon a wnes i. Cerdd Saesneg ydi hi, dim llai; roedd y syniad o gyfieithu’r fath jargon ar fydr ac odl yn erchyll (gan fy atgoffa o gerdd stompaidd Rhys Iorwerth flynyddoedd yn ôl am gyfieitheg llythrennol).
UCD-DDaT
Be multidiscipline, have work to-do:
be user-centred, deliver value.
Work in agile, align the roadmap
Focus on outcomes, not outputs, asap
Research with users, follow leads,
write user stories, user needs.
Collaborators collaborate
iterate, iterate, iterate, iterate.
Your story points must be sized,
evaluate, hypothesize,
test assumptions, reject hype,
prove it with a prototype.
Run the retro. What went well?
Always playback, show and tell.
Then you measure your success.
And if you don’t? You’re in a mess.
Hwyl i chi!