{"id":828,"date":"2013-10-18T17:55:57","date_gmt":"2013-10-18T16:55:57","guid":{"rendered":"http:\/\/osianrhysjones.com\/?p=828"},"modified":"2020-05-17T19:14:39","modified_gmt":"2020-05-17T18:14:39","slug":"or-nyth","status":"publish","type":"post","link":"https:\/\/osian.cymru\/en\/or-nyth\/","title":{"rendered":"Englyn ar glawr feinyl O’r Nyth"},"content":{"rendered":"\n

Oni bai eich bod wedi bod gyda’ch pen yn eich plu dros y blynyddoedd a fu, mi fyddwch chi wedi clywed am ddigwyddiadau Nyth<\/a> yng Nghaerdydd a thu hwnt. Mi fyddwch hefyd wedi clywed yn ddiweddar am brosiect diweddaraf rhai o hyrwyddwyr cerddoriaeth fyw prysuraf Cymru. Mae’n nhw newydd lansio Feinyl “O’r Nyth” sy’n deitl amlgyfrannog yn cynnwys artistiaid mwyaf cyffrous Cymru.<\/p>\n\n\n\n

\"\"
Clawr Feinyl “O’r Nyth”<\/figcaption><\/figure><\/div>\n\n\n\n

Cyfranwyr<\/h2>\n\n\n\n

SEN SEGUR, CASI WYN, GWYLLT, OSIAN HOWELLS, COWBOIS RHOS BOTWNNOG, PLYCI, ALUN GAFFEY, VIOLAS, AFAL DRWG EFA<\/p>\n\n\n\n

O’r hyn glywias i ar y radio ar raglen Lisa Gwilym mae hwn yn gasgliad y bydd gen i awydd mawr mynd yn \u00f4l ato i wrando eto ac eto. Y traciau oedd yn sefyll allan i mi ar y gwrandawiad cyntaf oedd Casi Wyn ac Osian Howells. A hefyd mae’n braf cael trac reggae newydd yn Gymraeg gan Gwyllt. O reggae, bydded ragor!<\/p>\n\n\n\n

Os ydych chi’n un o’r bobl sy’n cwesiynnu’r busnes feinyl ‘ma fel ffad – mae’r clawr trawiadol yn mynd i edrych yn wych mewn unrhyw gasgliad, neu ar silff yn addurno’r t\u0177, hyd yn oed. Nid yn unig hynny – a dyma gyrraedd at y rheswm pam fy mod i’n trydar mor uchel am y feinyl – mae englyn o fy eiddo i yn rhan o’r pecyn deniadol yma. Mi fuodd hogia Nyth yn ddigon cl\u00ean i ofyn am gyfraniad, a doeddwn i ond yn ddigon balch i gael cyfle i fod yn rhan o rywbeth arbennig. Achos, doed a dd\u00eal, mae bob dim mae Nyth yn ei wneud yn tueddu i fod yn eithaf arbennig.<\/p>\n\n\n\n

Rhown ar glawr ein g\u0175yl hwyrol, y feinyl
yw’n llwyfannau heriol,
a’r plu’n crynu roc a r\u00f4l
ar adenydd trydanol.<\/p>\n\n\n